呢個疫情，令到好多準備拉埋天窗，打算共諧連理嘅朋友們都大失預算，先前預訂嘅酒席，檔期都要一推再推。唔緊要，睇下小編今次呢個關於婚宴葡萄酒嘅專題，做足功課，到時就唔會因為一大堆瑣事令到一對新人心煩氣燥啦！

一生人一次嘅大日子，應該揀咩酒好？

好多朋友都問小編，我唔識飲酒架，我可以點揀啲酒好？唔使咁擔心，好籠統咁講，你仲意飲，覺得唔反感個啲，其實就可以架喇！婚宴最高難度在於同一款酒，點可以啱曬所有人？所以對於比較少接觸葡萄酒嘅朋友，可以相信自己嘅直覺，過得到自己個關，其實就可以。

如果你平時有飲下酒，想真係搵啲比較高質素嘅酒招呼朋友，小編建議搵啲中酒體嘅酒就會好穩陣。例如，Merlot同Cabernet Franc。Merlot會比較多紅色水果香，車厘子、紅莓、梅子等，單寧圓滑，如絲絨般嘅質感。Cabernet Franc 單寧會比Merlot 多少少，不過都唔似Cabernet Sauvignon 咁重單寧。佢比到你例如覆盆子、黑醋栗、紫羅蘭等香氣，一般會同Merlot或者Cabernet Saivignon混釀。就好似我地嘅Chateau Monplaisir 2016咁，佢由40% Merlot、 40% Cabernet Sauvignon、 20% Cabernet Franc 混製而成，所以佢帶有豐富嘅果香味，口感圓滑易入口，單寧適中。

不過當然如果你已經好清楚個餐牌係有咩野食，當然會同餐牌上配搭到就更好。看似係無關痛養嘅一環，但見微知著，少少心思就可以令整場宴會綿上添花，賓至如歸。舉個例子，好多新人依家都會擺西式婚宴。基本上係由頭盤、餐湯、主菜、沙律、甜品呢五大元素組成。

每圍可按排一紅一白，白酒可以選擇配襯到頭盤同餐湯嘅酒。如果頭盤係常見嘅鵝肝、焗蝸牛，加上各式嘅奶油湯，你就可以選擇一啲酒體比較圓潤嘅白酒，例如有浸過橡木桶嘅Chardonnay。因為浸過橡木桶，除咗酒體比較full-body 之外，oak嘅味道都可以配搭到鵝肝個種厚重感。

至於紅酒方面，你可以大膽起用比較有辛辣、香草味濃烈嘅酒款配搭較濃味嘅主菜。例如用西班牙的陳釀Tempranillo 係一個不錯嘅選擇。首先，它係西班牙非常普遍，基本上有種葡萄嘅地方就有種Tempranillo，所以唔難搵。另外，陳年嘅Tempranillo會有一種朱古力、煙草、香料、皮革等嘅味道， 配上濃味醬汁型嘅主菜相信會大放異彩。

希望上面可以帶到少少概念比你。接下嚟小編會分享下係邊度會搵到適合你地嘅葡萄酒。敬請期待！